گئديرم
+0 به یه ن
گئديرم/ علي آقا واحد
گئديرم اؤزگه يارين شمعينه پروانه اولام
سئوگيمه لاييق اولان ديلبره ديوانه اولام
بيلمه دين قدريمي سن ، چوخلي منه ظولم ائله دين
گئديرم اي داش اورك من سنه بيگانه اولامعاقيليديم سنين عشقينده بئله من دلي اولدوم
يوخدي ايمكان كي دؤنوب بير داها فرزانه اولام
ايندي كي اوز چؤووروب طالع فرزانه ليغيم
گئديرم من مي ايچم ساكين ميخانه اولام
منه ليلا گرك اولسون ، نه گوزل سئوملي يار
گئديرم مجنونا تاي عشقيده افسانه اولام
دئمه ديم بونلاري تا سن منه دوشمن اولاسان
بولگونن ايستييرم من كيمه جانانه اولام